wei yin's profile慧賢媽媽～世上只有PhotosBlogListsMore  |  Tools Help |
|
September 30 滿月啦! 昫穎到健康院檢查今日帶囡囡去健康院睇黃，醫生讚昫穎叻叻，黃疸已經無哂啦~! 體重增加得好理想，現在昫穎豬重4.27kg啦! 即係有9磅幾，怪不得媽咪抱一陣就已經手軟啦!
P.S 我真係一個大懵既媽咪，原本應該係BB滿月果日(9月25日)就要帶囡囡去睇黃，但我以為唔去健康院打針就唔駛去覆診，好彩健康院D護士打電話比我，約番我今日去睇黃JAR! September 24 又打風啦! 今日係我地結婚2 週年...........昨天又掛起8號颱風啦! 今年掛8號颱風真的好多.................
想起上個月都係呢幾日掛8號颱風，後來仲掛起9號颱風添! 還記得上個月掛起9號颱風時，昫穎囡囡還在我的肚子裏，但今個月囡囡就已經在我的懷抱裏了!哈哈，話咁快囡囡快滿月了!
回想起上個月23日打9號颱風，我仍在瑪麗醫院待產房，看見外面橫風橫雨，自己在一個咁安全地方，應該心情會好平安，但講真當時的心情是一點也不平安，因為阿B還未肯出世，擔心還要在醫院住幾多日呢? 是否真的需要開刀生B呢? 自己不斷在想著好多問題，但好彩既係同附近幾個待產媽媽都幾好傾，大家又討論下待產的心情，又討論一下風暴的消息，心情先無咁煩悶。早在22號晚，天文台已宣佈23號「鸚鵡」會最接近本港，所以22號晚有好多醫生、護士都要在醫院過夜，有醫生仲同我地d產婦齊齊搬櫈仔、睇奧運添!
對於要返工的人來說，早上看見天文台報導會掛起8號或9號颱風，心情一定會好開心，因為想起有一日假休息ma。對於我來說，我看見風暴消息，當然開心又興奮啦! 因為想起老公不用上班，一定會好準時來醫院探我! 還會帶一些零食給我，又會陪我到Canteen吃飯，等我不用吃醫院難吃的飯餐。那個颱風好早就已經掛8號，所以我老公好早就打比我，話比我知佢好快就來醫院陪我。點知個風吹得好正，轉眼間天文台就發佈9號颱風的消息啦! 嘩! 真係好耐好耐都未掛過9號啦! 心情有點興奮，但也有點擔心，因為看見外面橫風橫雨，老公開車有無危險呢? 幾時會黎到呢?
我地一班孕婦在待產房行來行去，好快就到吃飯時間啦! Alvin Daddy來到啦!好開心因為有得落去canteen食飯，終於有人聽我講下苦水，同時有人比我挨下啦!
聽alvin講剛才他過來時真的好危險，因風太大，成架車搖得好厲害，所以他說一陣間或者會去jojo家坐一會，然後晚上再來探我，他說: mammy你不用怕，我會支持你。當時聽到他的一番話，心裏很感動，因為他真的給了我無限的支持及鼓勵，無論在行動或精神上，有了他的安慰，剎那間所有的不安也除去了! 心中只想著要bb平安無事，BB快快出世就完成任務了!
多謝主給我有這個溫暖的家，裏面有愛錫我的老公及可愛既囡囡。在這個家裏，我什麼也不怕，因為這個家裏有愛包圍著!今天是我們結婚2週年紀念日，老公：多謝你，I Love U!
September 14 平淡的中秋節今年的中秋節過得特別平淡，我們沒有賞月，又沒有到外面吃飯慶祝，只是吃吃月餅和應節水果，原因好簡單~~BB Nuria來了我們家!
我同bb還未坐完月，所以昨天到奶奶家吃飯後馬上回家。以往2年的中秋節除了一家人吃飯外，我們都會到外面走走，如到離島逛逛。今年奶奶、老爹、阿妹都有此活動，但我們就只留在家中看著我們的小可愛。雖然說是留守在家中，卻一點也不覺沉悶，因為有老公陪伴及有一班好友來探訪。來探我地既朋友仔都唔話得，人頭湧湧咁，包括有仁仁、van+富、文女一家、小韻、fanny+耀........還有Wriky....既手信，哈哈，人唔到禮到，呢個老細真係唔話得啦!由於是阿van代賣的，我們交接時有拍照做証添!真係攪笑!
今年中秋雖然過得平淡，但對我來說可算是無比的快樂!除了有一班朋友來探我們，最大原因就是家中多了一個成員，她令我們再也不會覺得沉悶。雖然她只是懂得食、喊、睡，有時更令我們沒法好睡，但能看著她一天一天的成長，對於做母親來說已是無比的滿足!
在此我祝大家有個快樂的中秋，人月兩團圓!
Nuria的趣怪照...媽咪最近發現了我一些趣怪表情，媽咪話睇到我呢D表情就會知道我想點，不如比大家估下!
大家估唔估到呢?等我開估啦!!!
圖一: 處理大便中............................................圖二: 小便中......................................................圖三: 攪店哂! 我的婆婆來我家..........昨天，婆婆下午休息，婆婆來元朗探等同媽咪呀! 婆婆仲同媽咪一齊食飯添!
我都好合作，婆婆同我映相時無喊，所以婆婆同我映左好多相，婆婆話要同鄉親交待一下喎........哈哈...............
但係我個肚仔有D唔舒服，所以映左一陣相我就喊到收唔到聲.........但媽咪想用CANON相機同我映相時，我就喊到收唔到聲.............. September 03 BB 終於出世啦!經過30個鐘的待產-生產過程，我地既小可愛-Nuria 終於出世啦! 臭豬出世重3.16kg，手長腳長，身長有51cm呀!成個樣就似足老豆咁，哈哈，唔同人講大部份人都話佢係男仔呀!
生呢個B真係一D都唔簡單，回想起那一星期在醫院的生活真是有點懼怕，但在當中也令我上了寶貴的一課! 除了知道母親的偉大，更令我學習到"信靠神"的功課。
在待產房的日子，神讓我學會了等候，在待產房那兩天，讓我學會了信靠及交扥。我感謝主帶領我兩母子有平安，又給我們有個健健康康的BB，雖然現在我的傷口有點紅腫及發炎，但我信好快便會康復。
講番BB-Nuria，其實呢個女真係對我地幾好，好多人話食人奶既小朋友會1-2hrs說要嚷著食奶，每晚起碼要起身4-5次餵奶，但我呢個女就有D唔同，每晚凌晨2點食完後，早上6點才起身嚷食。同時她會在我們食晚飯晚時間睡覺，待我們食飽才起身。她食奶時間都幾定時，晚上約9-11點會嚷食奶，之後約1-2點會嚷著要食，然後就睡到早上6-7點才叫食。知個都話佢係孝順女喎，唔知大個會唔會都好似現在咁乖咁聽話呢?
哈哈，我成日同人講阿女似老公，但我終於發現阿女有樣野好似我的，就係佢好貪睡，真係一個甜睡寶寶，食飽就會好好訓，訓2-3個鐘先醒。好啦，講住咁多先，下次會再多說一些bb既趣事。BB既睡姿好攪笑，唔信?有相為証架!
|
|
|
