wei yin's profile慧賢媽媽～世上只有PhotosBlogListsMore  |  Tools Help |
|
August 19 懷孕８個月的慧賢媽媽今日在家想一想，好想把自己懷孕的時刻留下剪影，於是便叫老公幫的影下我個「大肚腩」，唔好睇少佢，足足有４０咐架！係咪好犀利呢！你地睇下我個肚無紋架！
拍攝日期：２００８年６月３日 拍攝地點：家中
入院前的一天不知不覺bb已經41週了，但係佢仲未肯出世，所以我明天就要入院準備催生啦! 心情好緊張又興奮，因為好快就會見到我地個BB，唔知似唔似我呢? 希望會似啦!
迎接呢個BB，我地真係準備左好多野，除了BB用品外，大家既心情及心態都會被BB改變了，點解咁講? 好似alvin咁，返到屋企唔多講野既佢，每晚都會向住我個肚同bb講故事，睡覺前又會手按著bb，然後同bb講：「你要乖乖地呀，我地依家訓覺啦，daddy摸住你，你要快d訓，唔訓都要扮睡，知道嗎?」哈哈，然後bb真係郁幾下就唔郁，感覺好得意。Alvin daddy又會睡前goodnight kiss ＢＢ，感覺真係好溫馨，我唸ＢＢ都會知道Ｄａｄｄｙ錫佢！
至於我？咪做左懶人ｌａｗ，過著足足一個月的「食、訓、ｘ」的豬既生活，其實真係有點悶，好彩還有少少學校文件要做，可以打發下ｄ時間。
但係近這２星期，真係唔可以再對電腦咁耐，因為真係好攰，坐ｓｏｆａ／椅子久了，條腰骨又會痛，那麼每日就同自己講要散步，有好多朋友分享：行多ｄ，生都易ｄ！所以自放假開始，我每日都有落街行，有時食完晚飯，老公就陪我行下公園，星期日就會出去遠ｄ地方，行下水塘、郊野公園，又或者去探下朋友、去搵ｓｏｓｏ一齊出去玩下，感覺好開心！
但係我唸星期日的節目應該會從今日開始要暫停幾個月了，畢竟ｂｂ太細唔會成日出街啦，所以我會將之前的郊遊照片放上網，可以做個回憶ｍａ！ |
|
|
