祂真是奇妙，又安排我重回幼稚園教師的行業，告別了好幾年的幼教生涯，現在我正式宣佈：「我返來啦!」

再以教師身份步入幼稚園的感覺很特別，又聽到別人以葉老師的稱號叫自己，真係有d唔習慣! 問心講，確實係沒有想過會再有人叫我做「葉老師」，因為沒有想過會入番行，今次入番行，我覺得全是神的安排! 由知道有職位空缺，到安排見工，被請，是完全有神的安排，不然的話，是沒有來得這麼順利的!

往後終於可以有番多d時間陪家人，又可以回家吃飯，星期日又可返教會，青獅的活動又可參加了!哈哈，真係開心啦! 真係非常感恩神給我的恩典........

還有好開心的是可以同queenie及亞娜一起做同事，應覺好特別，可以同佢地在工作上互相幫助及扶持，一方面又可以跟他們一同互相學習，另一方面又可以時常跟他們嘻嘻哈哈，真係好難得! 感謝主!!!!

 

 2007年8月6日(一)

今日真係好忙，不停地住外跑，又去半島LV，然後去CWB-LV site visit，唉! 點解的老闆咁好野，有生意唔傾而走去旅行呢? 話哂LV都係大客， 雖然REGINA話佢地攪event的buget好少，但最少有個大品牌既客，公司都吃香D呀! 唔知點解佢抱住個輕率的態度來對待呢件事??

食完個午飯，又要拿拿淋去中環美心皇宮，睇下今日有無鑊要「咩」先，經過星期五事件，佢地好早就到了，唔知係唔係想睇下我地有出錯呢? 哎吔，同時我唔知點樣面對個「巴辣香雞翼」好，唉! 好煩呀! 個腦好似無得休息咁，好辛苦呀! 以及今個星期老闆出trip，本應可以乘機偷下懶，點知仲忙過之前! 真係想偷下懶都唔得，因為要幫亞WIN跟D job既手尾，佢有d野又做到一半(如: quo)，有d野又唔對(如:圖)，我又知d唔知d喎! 唉! 真係做到頭都暈呀! 弊啦!今個星期D會密密麻麻咁，想話放假都唔知有無機會添! 煩完公司野，又要忙著整理青獅會務，跟著又要處理家姐所謂既麻煩事---- 之唔係grandma law，成日同隔離亞婆講自己d屋企事，又成日亂講野，攪到好易「蚊憎」的家姐打來同我講，叫我親自平息番件事........................唉! 點解有咁多事同時發生架............好煩呀! Anyone can help me???  ......................................

JESUS ! HELP! HELP!!!

 2007年8月4日

今日係大獅JOIN-IN，青獅會長有份去映合照，心情好開心呀! 終於覺得在獅子會有價值! 但另一方面，要犧牲今日的吃午飯時間，因今天無星期六，又有APPOINTMENT，以至我今天不能請假，唉!攪到要好「貧璞」，映完相就立即要「拿拿臨」走，想留多一陣幫手都無時間! 映相時間又攪到好遲，所以走果陣要搭的士。唉! 唔醒起會塞車，攪到我成個人都好坐立不安，因怕遲到要個客等，同時咁遲返，唔知亞WIN會唔會話呢? 好彩遇到個好司機，佢好快就載到我回去，哈哈! 初時我以為個司機係無量司機，佢聽到我話好趕，就問的行唔行西隨，嘩!成$50隧道費喎，我當然唔想啦! 「心想: 又遇到無量司機啦!」結果傾領下先知，原來知司機係基督徒，不斷向我解釋他叫我行西隨的原因，仲不時向我傳褔音添，哈哈! 真係佩服呢知司機啦!在車上被傳褔音，我都係第一次遇到，希望他會成功啦!god bless him!

返到公司，個客剛剛遲我一步到，哈哈! 真係要thanks god 啦! 原來祈禱真係有用架!! 我今日仲成功接到2個客，有個還是第一次見面添! 哈哈! 好有成功感! Thanks god, thanks god!!!

今日check email, 知道chris 老婆eva又有左，嘩! 會唔會又係twins呢? 咁到時要搵間再大d既屋搬啦! 要對全4個細路的情景，真係好難想像呀!

我身邊有好多朋友都有第2胎啦,點 解人地好似咁易就有既???