又過了一天，為什麼上班的時間特別難過.........................

不知不覺我在這公司工作已有5個月了，想起5個月前剛來到崗位，抱著新鮮，好玩，有趣的工作態度去迎接每一天的工作，但到了5個月的今天，我可以說是沒有想像中那麼有趣好玩! 想起PONTI話過，她自從做了這份工作後，因為工作辛苦而時常都沒有胃口，我初初都不相信我，但到了今天，我終於體會得到了!

WIN昨天跟我單對單開會，講左好多對我工作的期望，又話要我跑數，又話佢自己在未來日子想HAND OUT 多D工作，MOZZ 既job會比我follow 多 D，但卻沒有話加薪及加褔利，唉! 我真的越來越發覺我老闆真係非常懂得善用資源，「有風駛盡你!」

我越來越對呢個「守財佬」老闆沒有好感，每日返工對著他真的感頭痛，有時連胃口都無，今日我都無胃口食午餐呀! 哈哈, 我就當減肥啦!

今晚去了上環探SOSO，佢真係好可愛，好鬼馬，成日又跳舞，又"咪"眼睛，依家仲懂得講好多野添。 今日William又同佢映寫真啦! 不過呢輯寫真係幾好笑，可能係最細年齡既寫真。SOSO真係無著衫映gar，只係著住條pampas加3張mickey mouse 貼紙jar! 哈哈，唔知D相會唔會擺上網呢? 如果有，我一定會UPLOAD!

今日係一個好悠閒的日子，因為沒人預約，又沒有walk-in，老闆都無返，所以有時間上msn搵下朋友傾訴一下! 今日搵到jasmin，嘩! 唔覺唔覺佢都已經有8個月身孕了，仲有2個月就生得，預產期係8月8日。佢話預定左係浸會生，哈哈!真係羨慕佢就快做媽咪呀! 仲會係私家生添，唔知幾時到我呢? 希望佢征個肥肥白白，好似佢咁靚女既BB啦!

今日同浩儀msn，提及到屋企既長輩，大家都發覺身邊的親人都開始老了，要多加用時間陪伴佢地。當我看到祖母面上的皺紋及不時流眼水的眼睛，深深地明白到她真的老了，不會像從前一樣織小圍巾給我們了..............................................所以我會珍惜跟她相處的時間，多些關心她，陪伴她，希望盡我的能力去孝順她，令她快樂地過她餘下的晚年，這是我的心願!

 

 

今日 一起床，就發覺正下著很大的雨，真係好擔心今日要做的事不能辦妥!

今日係我既假期，我沒有去玩，全日既時間就係在大埔，為什麼? 原因係想去探祖母。想再幫她洗澡及洗頭，佢應該個幾星無洗頭，一定好唔舒服了!於是我一大早弄熱D湯，整理好要帶的物品，就去坐車。嘩! 真係好大雨，我帶著大包小包去坐車，好彩行頂位，比我可讀到個寬位坐，等我全程車程沒喧辛苦。我在車上才吃我的早餐，噢! 已經12點了。心想：「去到醫院應該過了探病時間，但都無所謂啦!我唸D護士都會通融既..................」 那麼我就"大安至而"慢慢行，誰不知去到就比護士話，她們叫我走，到探病時間才可來，哼! 大埔醫院既管理真係嚴緊好多，過左時間就趕人走，唔同那打素D護士唔管制。於是我便借機會問下護士可不可以有她外出辧私人事，原來要醫生批先得，所以只好留電話等護士覆我。護士提我若外出就要輪椅，所以我就去辦手續借車，要比按金1000添，要比cash，不可visa，好彩我有錢，如果唔係醫生批都唔出得街! 但最後都無出到街，原因係醫生好遲先返到，所以唔夠時間去銀行，於是約了星期一才出去。

比護士趕走左，於是我便坐小巴返回市中心，去修眉及參觀一下大埔d老人院，看看那間比較好。由於時間有限，只參觀到一間─愛群。 那個院舍環境都唔錯，收費都ok，又近媽鋪頭，加上鳳姑都係住在這間院舍，感覺有多個人照應，安心d! 不過都係等我老公探訪過後，再作決定。