今日早了放工，因為要入馬鞍山同東方之珠既大獅最後一聚，因為今天是他們在會裏的最後一個service，因為他們正準備在月尾全部退會。

由於唔識路入ponti娘家，於是約埋佢一齊入去，同時佢要去金都改衫，可以去比下意見。哈哈，點知我老公話可以來載埋我地，這樣真係太好了! 到了旺角，我老公已經到了，在旺角逗留了一會兒，我地就出發去bbq!

嘩! 真係好熱鬧喎! 有十幾 個人到了，聚集在天台燒烤。入到屋就見到toby bb囡開門，好似佢要歡迎我們咁，bb囡真係好鍾意男性，佢竟然主動要求我老公抱佢，仲搭住alvin好似想同佢傾訴咁，哈哈! 好攪笑! ponti成日話bb好百厭，其實我地覺得佢係活潑，同埋好醒，好快就學到別人講既說話，哈哈! 其實月b囡真係好可愛，好聰明! 但唔明白b 囡公公點解成日就打佢手仔，唔知係咪想試驗比我地睇 - 佢個孫女真係好百厭，打極都唔會喊呢?

 

P.S 攪笑一記:

   當時 TOBY囡囡唔聽話，係都要攪別人東西，於是TOBY捉住佢，想叫囡囡望住佢，點知囡囡就唔望TOBY，PONTI就係BB後面唱歌；「逃避你的眼光，還是要一再偷看...........」哈哈! 此時此刻我情景，實在難忘及攪笑!!

2007年5月13日

今日係母親節，係我結婚後第一個同奶奶慶祝的母親節，感覺好好，好開心! 雖然要返工，但唸起今晚可跟家人家庭樂，感覺特別唔同!

今年我訂左花送比我2位亞媽，2位亞媽都好開心，可算無白費我的心意! 我估唔到奶奶都好鍾意收花，佢昨晚仲多謝我添! 哈哈，今次一定加唔少分啦! 我亞媽收到花就馬上打比我，SAY THANK YOU 啦! 見到兩個亞媽咁開心，我都開心呀! 祝願我身邊做左亞媽既朋友:「母親節快樂!」

2007年5月6日

今朝原本會返教會，誰不知一起身就已經10:00了，仲要係比個電話吵醒，要不然就一定睡過頭了! 個電話號碼好熟，原來係森盈媽，佢話比我知佢地係附近，想帶bb來探我喎! 當然好啦! 因為我都正想搵佢地今晚食飯，見下bb囡，點知每次都咁巧合詩姐就約我。哈哈! 詩姐話將個囡同過契喎! 因為每次都咁巧合!

我地2個以9秒9去梳洗及執屋、吸塵，哈哈! 真狼狽呀!! 終於到啦!見到佢地兩公婆大包細包咁，真係多個bb，出街都辛苦d呀! 森盈真係越大越可愛，初時唔比人抱架，要豪哥/詩姐抱住先比玩，後來玩熟左，alvin抱佢都肯。呢個妹真係好腰力同腳力，自己坐坐下都成日要自己企起身，仲好似亞媽咁成日哈哈大笑添!

玩到12:00，因為我要返工，所以大家就跟住一齊走啦，豪哥仲載我出尖沙咀添，真好人! 我成程車就抱住囡囡，隻手真係有d麻痺。,嘩! 原來雖然人仔細細，但要抱咁耐都幾累喎，怪不得個個話抱bb一點也不簡單呀!

 

昨日同zoe慶祝佢24yrs 生日，雖然只是平常的吃飯慶祝，但是感覺很舒服,、開心。可能係因為佢地個個都好單純，同埋好尊重別人，同佢地一齊無煩惱!

zoe真係好可愛，收到生日禮物就會映一大堆相，每來一樣菜色，都會拍照........................哈哈! 真係好童真!

同zoe慶祝完生日，就去下場-唱K。嘩! 今晚玩得好CRAZY，又四圍噴香檳，又玩掉蛋糕，攪攪震果個就係我老公啦! 真係比佢激死! 好彩我有來，所以佢唔會變到一隻泥水鴨咁返屋企。今晚又係我開車，好彩佢聽話比我開車，如果唔係就不堪設想了! 佢坐坐下車就嘔到七彩，好彩有個環保袋頂住，如果唔係就一車、一身都係啦! 明天都係放d膠袋在車，just in case 有得用 ma!!!

每次我開車，平安回到家，我都會心裏好感恩架，我覺得係神帶領我們回家架! 如果無佢，就唔會順利啦!