25 April, 07     Sunny

今日好開心，除了今天是我的假期外，今天的節目都好豐富，我同亞珊去shopping，然後會去吃buffet，今晚仲會去bibi"s船河生日party，同佢慶祝佢既30yrs生日。

Bibi個生日都非常特別，是在一艘叫「張保仔」既特色船上慶祝，還有令人最難忘的事係今天是bibi男友(mike)向他求婚的大日子，有份分享她的喜悅，我也非常開心呢!

另外，今日仲係皇后碼頭清拆前最後一夜，有幸我們能在此碼頭見證它清拆前的一刻，真是難忘! 最難忘的是bibi和mike竟然成了被訪問的對象，他們的訪問及相片被登上了有線新聞及東方日報添! 唔信? 有相為証架!

 我們在船上歡度了快樂的1小時，以及跟皇后碼頭說聲「再見了!」

昨日去了fanny介紹的中醫診所─李文慧，覺得佢都幾PRO，簡單把下脈，睇下條脷，就講到我的小毛病。佢開左3日中藥比我，又比左張紙我叫我CONTINOUS記錄體溫還，仲安排我今天去照超聲波，看看子宮情況! 可能我地比較接受用科學方法去診斷，所以ALVIN都好贊成我去照下!

今日好早就出門，因為約左10:30照ma，同埋想快d照完就趕返工，於是9:15am就出門啦! 出門前飲了2大杯水，因為一定要"急"才照到，但我還未到診所，已經「非常難忍」啦! 但無奈地唔可以去washroom，唯有死忍! 到了診所，本想他們幫我快D照完就可走，但竟然醫生仲未返喎! 幣啦! 一來我埤時間，二來又好「難忍」，所以我好留意LIFT口，每當有叮一聲就會不其然望下個LIFT口，希望見到醫生來! 在診所等左大概15分鐘，有個亞婆拿著很多東西進來，我起初以為係診所打雜或護士(因為在那個診所工作的2個診所人員都好老啦!)，但係點解個亞婆會去開醫生房門既? 仲換袍添? 當我八卦既時候，個亞伯(診所職員)就同我講:「依家就馬上同你照啦!」啊! 原來個亞婆就係醫生! 嘩! 突然間好似有比人"坤"既感覺，好担心呀，個亞婆夠唔夠眼去睇架? 呢間診所，又黑又多雜物，成間貨倉咁，仲要收$400照一次，真係有d被騙既感覺呀! 但照果陣就覺得亞婆都尚算ok ，照左都有半個鐘，都話到比我聽我個子宮既大概情況。

有件事我覺得好有趣，每當超聲波控制器在我的肚皮上移動一個位，醫生都會作記錄及"搞"牆2下，接著另一面牆便會有2下回應，,難道另外有部相連的儀器係隔壁的房間呢?"搞"牆係拍下映片的暗號?? 哈哈! 呢個係一個謎...........................

已經11:00am了，大至上都完成，我正趕著走之際，醫生跟我說要我下星期一或二再過來照多次，目的係想睇下排卵情況喎! 真係好心急想知道結果，希望快d到下星期啦!

我今天好準時就到中醫館，好多人在等診証，原來醫師還未回來，於是我便先更衣，找個床位等醫師回來。大概等了10分鐘，醫師回來了，她馬上第一時間過來幫我先針(因為佢知我趕時間)，嘩! 小腹及腳板有些位置真係好痛架! 但為了有BB，唉! 無計啦! 醫師話我要持續接受一個月治療才可有BB架，我會忍受這一個月既痛苦啦! 希望將來BB同Daddy錫我多D就可以了!

今日醫師無針背脊，但就加在幾針在手臂、面及下巴，腳骹位個針特別痛，希望呢D係好既反應啦! 唔知係咪累呢，今日在醫館特別好睡，好彩我聽住MP3，如果唔係就倒頭大睡啦! 針完後，我休息了數分鐘才離開，因為我怕暈呀! 我又以9秒9既速度趕返去，點知佢地仍未返，哈哈，感謝主呀! 其實我都要好似alvin咁講，找機會同win講我睇醫生既事，那麼我就不用咁鬼祟了!

 

比中醫師針灸了2天了，肚皮都花哂! 第1天針完後，發覺肚臍上面有塊"瘀血"，昨天針完後，又多左一條，alvin話睇到都覺得我可憐。

我老公好好，佢聽到我話針灸完個肚好痛，佢昨晚來接我收工。由於佢比我早收工，佢足足等左我成個鐘頭呀! 我奶奶都非常關心我，大約1:00，她打比我問我針完有什麼不妥，我覺得好warm呀! 唔知今日針灸完會唔會再有第3 處瘀呢?

昨日係Van Van 同富富既大日子，我地一早就出門了。

好耐無來過金鐘-紅綿道了，記得上次來這裡就是浩儀結婚，都有年幾了! Alvin仲耐，對上一次來紅綿道是細姑姐結婚......................哈哈，佢真係好記性啦!!

到了註冊處啦，見到新人在跟親友拍照，就在人群裡，我見到一個熟悉的臉孔-張業保。點解會在這裡踫到他? 嘩! 呢個世界真細，竟然大家都認識van van ,(佢當時幫亞van拍照，所以我覺得佢係認識van van),

到佢地登記啦，等人場時當然又係映相時間啦! 亞van叫自己屋企人映先，我聽到有個男大聲地叫:亞媽，過來拍照啦!」等等先...............佢地係一家人? 依係喎! 亞van都係姓張喎! 嘩! 原來我識亞van細佬仲耐過亞van，真係講都無人信咁"橋"呀!個世界真係細到難以至信!

除了遇到這趣事，我仲做了我最樂意的任務，哈哈.................就係攪氣氛啦! 佢地簽完紙，準備步出門口，我就請各位來賓排成2行，一起拍手歡迎新人，又幫新娘統籌拋花球玩節，你地仲下邊個美女會接到? 結果就係.....................一個8yrs old既細路女接到! 可能個個女子害羞啦! 加上我話過唔可以比個花球跌落地，所以個細路女就沖左出去接啦! 哈哈! 場面及氣氛非常熱鬧呢!

到10:50am，我要先離開，免得他們倆人早回來，誰不知真係比ponti猜中，亞win比我還早回來添! 但佢又無話我為何遲到，仲同我打招呼添! 

其實，我真係唔想返工架，同佢地食buffet同唱k，可以同我老公拍下拖ma，因為就快就唔可以同佢一齊放假啦! 好慘! 好彩我老公好識做，夜晚同我去睇戲、食飯，我地睇左"羅拔神奇家族"，真係好好睇，除了攪笑外，仲好勵志添，叫人凡事唔好灰心，只要勇往直前，不怕失敗，什麼事都可解決!

今日係公司一個頗重要的日子，不是開張紀念日，又不是什麼人生日，而是公司有一件重大事件宣佈，這對於我來說有頗大沖擊..............................................................

今天如常11:00回到公司，一班公司同事也回到公司，他們正準備清潔工作。11:30， 亞乃回來問我知不知道今天12:30開會，我覺得好奇怪，為什麼要全體員工回來開會呢? 關於JOB細節的，但為何2個老闆會這麼早就回來了? Ponti仍在假期，但都會回來開會，莫非真的宣佈他們拆夥的事嗎?

果然不出所料，KELVIN真的宣佈他會離開公司。其實這對我來說可以沒有影響，因為我係WIN請回來既asis. 照計這樣反好，我老闆現正式接管全公司，我個位都沒什麼影響，但我卻沒有這樣想....................kelvin這決定，會令公司好多人走，我想ponti會係第一個。其實之前都有收到"風"，所以我地都有傾呢個問題，我們以為公司唔會話拆就拆，都會有幾個月時間可以比大家搵工及考慮，誰不知kelvin決定4月尾便會把所有事情解決。KELVIN 話會攪間wedding planner公司，可能仲會有合作機會喎! 但如果係咁，ponti會唔會跟住亞哥跳槽呢? 亞win仲話可比一星期時間大家考慮去或留，死啦.................我唸ponti一定走(因為我見佢劃晒今個月可放既假)，到時候咪得番我一個獨身作戰?? 如果，亞珍,亞乃，亞華等人都要resign，咁咪只有我同hugo雙依為命?? 以後星期日想放假就無望了! 最擔心既係我仲未夠成熟可以自己一個handle "RED"既job，有2個confirm了的job在5月份及9月份，如果ponti做埋今個月唔做，呢2個job咪要我跟? 死啦.........我什麼都唔識跟喎，依家仲無人帶添，真大鑊!

神呀! 點算好呀? 前路迷茫............................生仔計劃係咪要延期呢??? 請您教下我可以點做好??

今日無appointment，ponti又無返工，感覺有d悶，好彩有D walk-in客入來打發下時間。

今日下午遇到rory, 同佢傾左一陣，發現佢公司同我好近，我地仲約左12/4食飯tim! 見到佢就唸番上次我踫到佢x女友果次......................覺得rory好慘...........................

今日有時間，終於拿起心肝寫下blog，我見個個的分享空間都咁多新野寫，咪又學下人記低d得意事law................................... 我upload了上次去鬼佬屋企玩既相，睇番都覺得開心呀!