wei yin's profile慧賢媽媽～世上只有PhotosBlogListsMore  |  Tools Help |
|
March 31 口水妹昫穎講野啦最近發現昫穎不但喜歡企，還喜歡講野添! 時常一邊食手指，一邊「哝哝呀呀」係度講野。囡囡會望住人不停咁講野，真係好攪笑架!此外，囡囡真係好鍾意企，站在地上就雙腳不停踏下踏下，好似跳舞咁。站在床邊時，又會自己捉坐床邊，可以自己企5-10分鐘添!但係最幣就是囡囡開始識得扭計，如果放佢落床唔抱起佢，就會喊到面都紅哂，好似關公咁! (昫穎初生時喊都會喊到變臉，無哂聲，要回氣)一拉起佢站在床邊或抱起佢，囡囡就會收聲! 唉! 真係比昫穎激親呀!March 29 珊珊契媽生BB今朝收到光仔(昫穎契爺)電話，佢話珊珊契媽今朝11:00生左個囡囡，有7磅6安士，嘩!大隻女呀! 真係開心啦! 我身為珊珊契媽晚好朋友，當然第一時間去探佢啦!我同老公食左個魚蛋麵後，就帶埋相機去醫院見珊珊同BB，想第一時間跟小珊珊映第一相張。由於時間不充裕，所以我地飛的士去，好彩趕得切去見下珊珊契媽，不過小珊珊就仲未有得見，珊珊話要今晚6點先會見到bb啊! 真係好心急想見下小珊珊呀! 唔知小珊珊似邊個呢?March 16 出疹了!經過一整晚既大哭及拼搏，昨日D疹終於現形啦! 真係耳背又有，心口、頸、肚腩等位置，全部都有好多紅色一點點，面仔同耳背厲害D，紅到「一達達」。昫穎昨日早上醒來雙眼都腫左，可能是因為昨晚喊得太耐了，所以早上起身後雙眼腫到好像鵪鳺蛋咁(可能比鵪鳺蛋再大D) 睇到都覺得BB好可憐!回想起星期六晚真係無覺好訓，昫穎成晚喊過不停，又唔肯食奶，攪到我地以為佢喊就係肚餓，不停開奶佢都唔肯食，由7點食完奶之後就開始唔肯食奶，用盡好多方法都唔肯食，如果等到第二朝7點先肯食番奶，不過好彩肯飲水，所以都唔驚佢缺水。其實今次昫穎出玫瑰疹的事都好感恩，因為佢最高只係燒到102度，(醫生話佢個仔燒到106度，有朋友個仔都有不停發燒，燒到104度架!) 仲有每日只餵了2次退燒藥，晚上就沒有發燒，直到早上才起燒，度數都只是在100與101之間。還有好感恩既係囡囡燒了2日D玫瑰疹就出啦! 我好相信呢D係恩典，天父有聽我地既禱告，比昫穎咁快就出疹。感謝主!!March 14 昫穎囡囡發高燒昨晚要開校務會議，所以差不多7點大家都在校。至傍晚6:55分，我收到老公CALL我，問我走得未? 佢話在屋苑停車區等了我差不多1個鐘，正想同佢講還在開會未走得之際，老公就話比我知BB發燒，個心即刻好唔舒服，好担心，差D喊左出來。於是馬上知會校長，就立刻跑到候車場。
回家途中，打比工人了解情況，同時打去預約看醫生，點知護士話收工無得睇。幣啦! 點算呢? 唔通要搵別的醫生或要到醫院? 於是即刻打比奶奶，奶奶就幫我親自去診所預約，哈哈，感謝主! 護士話比昫穎睇埋先收工。返到家就馬上帶BB去診所，哈哈，第一次去謝建華診所唔駛等同排隊。護士同昫穎探熱，原來昫穎發高燒─102度。醫生好詳細幫昫穎做檢查，同時跟我地講BB發高燒有3個可能性。一〉她可能係出疹，一生人6個月至2歲會出2次玫瑰疹，出疹會連續燒3日，玫瑰疹會在發燒起72小時後會出現； 二〉可能今晚燒後無事，無病無痛發出來，不過就會令人擔心，下次再發燒就要捉BB去驗小便或抽血。三〉如果3天後沒有出疹(即星期一6點後)，就會懷疑係尿道炎，咁就要驗尿。所以醫生吩咐我們要觀察BB 3日，到星期一約6點或發現有出疹，就要即刻去醫生取藥沖涼!就算沒有出疹，也可以有BB去驗尿，看看是否尿道炎。唉!真係希望BB今次發燒是出玫瑰疹，那就不用太過擔心啦!
*我們兩公婆昨晚為昫穎祈禱，希望昫穎昨晚不會發燒，如果要發燒都會在今早才起，感謝主! 天父有聽我們的禱告。禱告力量真係神奇呀! |
|
|
