wei yin's profile慧賢媽媽～世上只有PhotosBlogListsMore  |  Tools Help |
|
February 28 昫穎6個月大啦! 食粥仔啦!今日帶昫穎去健康院做檢查，同埋去謝醫生診所打針，哈哈，估不到昫穎真係犀利，打6合1無喊過! 但係囡囡開始識得認人，所以健康院護士長同佢做檢查時佢望到護士就大喊啦! 到謝醫生食「輪狀」時見到謝醫生都喊到不停呢!真係要帶昫穎多D返教會見下人先得!
另外，今日終於問到護士煮粥仔既意見，教了我煮什麼粥及比囡囡食既份量，於是我今日煲左魚肉南瓜粥比昫穎食，哈哈，囡囡食到津津有味呢! 一次過食左3湯匙呀! 08年大事回顧香港人在08年經歷了不少風雨及大事，經歷過9號颱風、經歷金融風暴、禽流感因而無雞食、08年北京奧運............而
08年發生在我身上的大事莫過於生陳昫穎啦!回想起在醫院那一星期的經歷仍歷歷在目。
我還記得我08年8月20日入院，等了3日昫穎豬還未肯出世，於是在08年8月24日早上，醫生跟我說：「BB已經在肚內41週3了，她不可以再留在你的肚內，我們今天會想辦法令她出世。我會再幫你放2粒藥，6個鐘一粒，如果這2粒藥都不能令你順產，我們會同你開刀。」當時的心情簡直又驚又喜，一方面想著即將會見到自己懷胎十月的BB，她是什麼樣子呢? 會像誰呢? 另一方面又驚生BB的「十級痛」，自己能否忍受得到，真的要開刀生BB嗎? 會像媽媽及Ponti說的有很多產後有痛苦嗎？當時既我好亂，想著要開刀就哭，找了幾位在醫院認識的媽媽(就係macy,ivy同christina)開解自己，就戰戰競競入產房。
8月24日早上11點左右，我換了手術袍，準備在產房過一晚。入到產房，第一個感覺就係好寒，呢個地方好恐佈，我躺在冷冰冰的床上，醫生來同我放了第4粒催生藥，開始吊鹽水，就叫我好好的睡一覺，到6個鐘後會回來看看結果。護士同我蓋上幾條大毛巾，我就嘗試睡，因為要同自己講：睡著了就不會感覺痛。老公一直在旁陪伴，一直拖著我的手，然後就不知不覺睡著了。但其實不能熟睡，因為不時會有護士來看看bb心跳，還有前後房有媽媽在努力，基本上是不可能好好的睡一覺。結果黃昏約6點再放藥，到了凌晨1點左右，醫生來幫我檢查，發覺我的子宮口可以放得入2隻手指位，於是決定幫我穿羊水。嘩! 我當時真係好驚，因為醫生好快手就趕左我老公出去回避一陣，然後就穿上醫生手術袍，又戴手套，接著就拿著幾包藍色的液體(1 liter @)及好多工具，墊好我下體後，就幫我用藍色液體清潔，叫我放鬆就伸個鉗幫我穿水。當時我不停叫自己放鬆d，因為我好怕緊張會仲容易好痛。原來放鬆真係好重要，醫生幫我穿水真係唔痛，只係有點不舒服。d羊水好暖，一下子就湧哂出來。由於我真係十分自己忍受唔到陣痛，所以穿完水就立刻叫醫生幫我打無痛分脕。我覺得自己真係好叻，整個打無痛分脕針的過程一點也不覺痛。由醫生開始在尾龍骨打針後再放入條幼管貼膠紙固定膠喉，我雖然全身都出汗，但我一點也不覺痛，只是好像有點東西入了尾骨，不太習慣。
當時我身上好多喉，吊鹽水，吊催生藥，又要吊無痛分脕藥，所以成個人唔太可以動，好不容易才可以轉身。唔知到什麼時候，我開始覺得口乾，由於唔可以飲水，所以只可以含冰及用水潄口，那種感覺真係好痛苦........隔左一陣，(應該係打完無痛分脕不久)我全身開始發抖，老公不停安慰我，叫我不用怕，佢會在旁支持我，不會離開。
我地聽到前後很多媽媽不停的叫聲，但仍未到自己生b，我們一直等呀等，等到8月25日啦~有主診醫生來看我的case，發現我缺水、發燒，並且bb心跳不正常，於是要在bb頭皮抽血，嘩!真係好驚!雖然我唔會痛，但想起bb未出世就要受皮肉之苦，真係好心痛!結果醫生抽完一支血再要抽一支(因瑪麗醫院的儀器落後，出唔到報告)，那時我就忍唔住大喊啦!所以最終決定開刀，以免BB再受皮肉之苦!
感謝主，昫穎出世有7磅，雖然剛出世有輕微發燒，但很快便退了燒!現在的昫穎都算是健康的小朋友，希望佢大個會知道爸爸,媽媽的辛勞啦! |
|
|
