wei yin's profile慧賢媽媽～世上只有PhotosBlogListsMore  |  Tools Help |
|
December 31 昫穎第一次發燒...... 昨日帶昫穎去打4個月既5合1 ，加上差不多時間要打肺炎鏈球菌，所以便一次過打了2支針及食埋輪狀疫苗(因為要食2次，6個月就無得食)。唔知係咪藥力太勁既關係，昫穎昨晚發燒呀!
大約10點半左右，我剛剛沖完涼，華姐姐抱住熟睡既昫穎同我地講覺得BB好熱，我地就同昫穎探下熱，原來真係發燒，約37.9。但因為只是微燒，所以無比佢食退燒藥，大頭daddy仲叫華姐姐放低已熟睡既昫穎添!(但係工人華姐姐唔肯放低，一直抱住bb) 我始於唔放心，於是比左塊退熱貼bb，隔了10分鐘再同bb探熱，度數已升到38.2啦! 於是我比左d水佢飲，隔多一會兒再探，又升左，38.8! 好驚呀，bb燒到差不多102度，會唔會燒親個腦呢? 其實當時唸唔到咁多野，只係想盡快比退燒藥bb食。第一次餵bb食藥，的確有d手震，因為唔知在口既邊一個位置放藥。量度好藥份，便小心奕奕從舌頭上把藥滴到口中。點知食左0.5ml，昫穎就嘔啦!當時既我好亂，唔知抱番個女好，定話幫手抹嘔出來的奶..........
華姐姐同BB抹干淨身體後，我抱番bb，再嘗試餵藥，bb一邊食藥，一邊哭同掙扎，個樣好痛苦。見到佢咁辛苦，一邊安慰bb勇敢d，一邊忍住叫自己唔好喊!好艱辛地餵完藥，bb依然不停喊，我驚bb再嘔，於是抱住熱騰騰既昫穎入房拍佢訓。聽到佢無力既哭聲加上疲倦的樣子，我終於忍不住哭起來。我一邊哭，一邊回想到從前時常生病的我，媽媽一定好心痛。媽媽一定會好像我現在一樣食唔安訓唔落，加上媽媽有對孖女，肯定比我現在的擔憂多一佰倍。
感謝主，昫穎昨晚好快就退燒啦，以及感謝主能給我有個BB，可以讓我更明白媽媽更多!
 December 10 又到聖誕，又到聖誕.........HOHOHO...............又到一年一度溫馨、浪漫的聖誕節啦！ 往時一到聖誕節，心情特別興奮開心，又會想想聖誕果幾日去邊度玩，又會想想買什麼聖誕禮物比親朋摯愛，成個人都好似充滿著一種好興奮既細胞咁，每年當踏入12月，成個人都會她開心、好興奮。不過今年多左個昫穎豬，成個生活都改變左，每日忙到差不多連自己既私人時間都無，就連學校文件都無時間做，咁樣仲邊有時間留意到聖誕節啦!
雖然兩公婆忙左好多，但我們都樂在其中。尤其是每天早上起來見到BB對著我們笑的樣子，真係成個人都精神哂! 今年的聖誕節，我地會帶bb睇燈飾、行街、拍照之外，我仲約左在瑪麗醫院認識的媽媽聚會添! 今日跟其中一位媽媽(macy)通過電話，商量會去邊度聚會呀! 我地又講起可以約埋其他8月份出世的bb一同慶祝生日，實在想起都開心呀!
希望快d到聖誕節，咁就可以同bb、老公一齊去街，多d"家庭樂"既時間啦!  |
|
|
