wei yin's profile慧賢媽媽～世上只有PhotosBlogListsMore  |  Tools Help |
|
November 09 平靜的星期天今日終於有機會寫下BLOG啦! 返左公之後真係好忙，忙到連電腦都唔得閒開..................
今日華姐姐放假，所以我地今天做了揍仔公、揍仔婆。因為阿女daddy好多野未做完，在家又唔能夠專注做野，於是便決定返公司做。出門口之前，老公煮了個麵我食，幫埋囡囡沖涼才走。自己一個人揍B，真係有D担心，無人幫我手唔知自己攪唔攪得店呢? 因為我知道如果得我一個，阿女一定唔肯食奶粉，結果真係咁多餐都係埋身食! 其實都好，方便快捷ma，但係就擔心阿女唔知夠唔夠飽...............今日阿女都唔算食得好密，但係就好好"訓"，見到佢甜睡寶寶個樣，真係覺得好滿足，正如放工返來見到bb對你笑，真係有幾累都唔記得啦!
不知不覺返左工都有3個星期，慢慢習慣返工、揍女既生活，但係真係好累，同埋每日都好似無時間做自己野咁。每日放工回家都差不多7點，抱一陣bb就食飯，食到9點半左右就要返回家排隊沖涼，之後就上床睡啦! 好彩阿女現在肯用奶樽及肯食奶粉，所以夜晚就由工人姐姐照顧BB，不用我起身餵奶，如果唔係.............我對熊貓眼會仲厲害呀! 不過就算幾辛苦都唔緊要，只要見到昫穎健健康康，聽聽話話，什麼辛苦也值得! 我終於體會到做父母的偉大啦!  November 01 昫穎打針-肺炎鏈球菌今日我帶昫穎去打針(肺炎鏈球菌第一次)，唸起上次醫生話呢支針好痛，佢話好多BB都喊好耐先收聲，我真係好擔心囡囡會喊到收唔到聲，或者會攪到成間診所都震哂就幣啦，因為昫穎喊起來的威力都好驚人架!
我一大朝早起床後就鼓勵BB打針唔駛驚，我亦都有為BB祈禱希望呢支唔會令到佢發燒啦! 我地約左11:30見醫生，好準時去到不過仍要等到12點幾先有得見，昫穎Daddy都趕來一齊見醫生，因為可以親自聽下醫生對撤照顧bb既專業意見，令我地兩公婆照顧bb可以一致d，唔駛有鬧交ma。
昫穎真係好得意，一見到daddy就笑到見牙唔見眼，真係十足十佢老豆咁既樣，哈哈，笑下都好既，一陣間就要接受打針之苦啦!終於到我地見醫生啦! 同醫生傾左一陣就打針，準備落針時，我仲緊張過昫穎咁，好大力捉實佢隻腳，怕佢會手舞足蹈，到時打針仲痛。醫生叫我放鬆d，護士就幫手捉實bb隻腳仔，可能支針真係好痛，bb真係喊得好大聲，成個面都好紅，真係好可憐，結果我見到佢咁可憐既樣就忍唔住喊啦! (哈哈...........其實我真係好攪笑，個女打針，竟然阿媽會喊!)
不過bb都好叻，喊左一陣就好快收聲，未出醫生房就已經收左聲，無喊啦! 醫生都不禁讚昫穎叻女呢! |
|
|
