October 22
日子真係過得好快，囡囡今個月晚 25號就已經14個月啦! 現在已行得穩步上揚的昫穎，在家裏時常四圍行，又成日跌倒或撞到"於"哂，真係要看牛仔咁看管，睇少一眼就唔知去左邊? 雖然我地間屋唔大，但係對於小昫穎來說，間屋真係好大、好好玩添! 點解? 因為工人話我知個百厭妹曾經玩到躲到床下底，赫到工人心肝都出埋，以為唔見左佢。點知在她的床仔底下找回她，哈哈! 其實都幾攪笑，都無出街，d窗又有窗花，又點會唔見左BB呢? 哈哈，小昫穎越來越鬼馬了!
唔知係咪個個父母都會覺得自己個仔或者個女都係好叻呢? 我老公成日話小昫穎聰明，她現在已懂得聽許多的指令，又懂得辨認動物，又懂得指出四官，並會做出好多鬼馬行為，如：豬咀、側頭、學人用手掩面玩"躲貓貓"、依開牙齒給人看等等.......... 佢D行為真係好得意，逗得個個都好開心!
我地仲發現昫穎都幾多"粉絲"架，佢D相一旦UPLOAD上facebook，就馬上有人回應，真係多謝各位朋友對我們小昫穎的愛戴!
Tools 
